CANMAKE TOKYO

淚袋眼影

這款CANMAKE的「Plumpuku Coordinate Eyes」臥蠶高光真的超級自然！我買的是#01透明粉調，非常容易就能打造出飽滿的「偽天生臥蠶」，粉質細緻不飛粉，帶有微微的珠光，但不會誇張，日常上課或上班用都很適合 最驚豔的是它的持久度——我混合肌偏油，下午出油後臥蠶還是隱約可見，沒有積線或卡粉。刷頭設計亦很貼心，圓弧角度剛好貼合眼下，手殘黨也能精準描繪。不過如果是追求超閃亮效果的人可能會覺得低調了些，但這就是日系彩妝的優點🫶🏻 缺點是容量偏小，但以開架價格來說CP值還是很高。推薦給喜歡自然妝感的女生～

臥蠶盤兼淚溝神器，其實用呢盤化個淡全妝都得XD 左邊遮淚溝一流，如果淚溝唔太嚴重，用佢本身嘅掃都仲可以，而且其他格都幾實用，可以畫臥蠶，可以畫眼影，我呢盤粉粉地當淡淡地胭脂都仲得。 不過就比較唔顯色，要啲耐性去畫，叫做新手friendly，容錯率高(? 不愧係性價比高嘅知名日系品牌產品，幾乎係人手一盒嘅入門化妝品。

用來畫臥蠶一流！已經回購很多次！N02超好睇💕好嫩💖化韓妝日妝都可以

感謝@cosme 邀請我試用@canmake 皇牌淚袋眼影春日限定06櫻桃甜心色 呢盤專為打造臥蠶設計，集合了 3 種淚袋色調：啞光色：帶來自然柔和妝效；珠光色：打造華麗明亮眼神；閃爍色：營造水潤迷人效果。加上 1 種陰影色，打造立體自然涙袋。真係新手福音！它的質地超細，完全唔飛粉，珠光細閃都超靚，亦唔會顯眼腫。 四個顏色剛好：打底、提亮、陰影、閃片，一盤搞掂臥蠶，我把最深的亮片色放在眼皮中間處當眼影用，非常靚，每一個顏色都用得著，用它附送的海綿和刷頭就能輕易畫出自然立體的臥蠶，完全唔需要咩技巧。新手都可以輕鬆畫出飽滿臥蠶。春日限定新色06色，搽出來很有少女感，元氣感滿滿。 持久度高，出街成日都唔會脫妝，日常妝容必備！

平靚正！ 平時日常趕時間化臥蠶必備，輕輕畫兩畫就有一個自然既臥蠶，閃粉又可以打亮眼頭，新手簡單易用好上手！

呢個threads大紅人相信大家都唔陌生，對於佢遮臥蠶過個效果我就覺得一般般，可能淨係遮到兩成左右。佢本身係一個畫臥蠶嘅眼影，我就覺得佢呢方面做得合格有餘，呢四隻色都係對於畫一個臥蠶有自己嘅作用，不過有少少缺點，就係佢畫陰影嗰個顏色太啡同淺色，畫上眼可能會有少少假，同埋個掃有啲闊得滯，好難做到一條細幼嘅陰影，所以我通常都係用其他筆畫陰影，再用佢啲珠光色同埋閃做highlight。

夏日炎炎，要化返個清爽嘅妝容。 之前聽過canmake出左呢隻專畫臥蠶嘅眼影盤，都係幾十蚊，所以買左1隻覺得好用就燒著左，一連氣買左3隻色：） 質地都算滑，易上色，畫完臥蠶對眼真係會大好多！！但幾十蚊就唔好預last好耐啦，或者用完噴啲setting噴霧都可以幫到手。 有時有折，都係$40-$70，小資女可包色買。

依家好興化眼妝要有卧蠶會令到對眼有放大既效果，如果新手化妝唔識點樣去配色或者畫，Canmake哩款淚袋眼影就可以幫到你 分別出左3隻色：01 淺珊瑚、02 輕透粉紅、03 奶茶色，sis可以因應自己化妝既色去配色買，而我就買左01 淺珊瑚，因為我覺得如果有時想化個淡妝唔上眼影色用哩款01做個卧蠶都好自然 淚袋眼影分左4格，我會先用中間下格啞光陰影係卧蠶既底部畫出一條好自然既線，哩款眼影好淺色唔怕會重手唔自然，然後會係眼尾既下至都輕輕填一填色 跟住就可以自行選擇用左格亞光定係右格珠光哩個係各人喜好，自然既可以用啞光覺得唔夠突出可以再加上中間上格閃光令到個妝再顯示得憐愛d

看到美妝YouTuber Astor介紹這款01號眼影可以畫淚袋並遮蓋淚溝，於是我購買了一盒。這款眼影膏有霧面、珠光、閃粉和陰影四種色調，性價比很高。只需要使用這一盒眼影膏就能完成淚袋的畫法，不需要花時間在不同眼影上混色，可以節省很多時間！對於我這個皮膚偏黃的人來說，01號色非常完美。不過要遮蓋淚溝可能不像Astor所說的那麼有效，可能是因為我技術不夠好，再加上我的淚溝比較深 cry。我會推薦那些日常畫淚袋的人購買這款眼影膏。

我本身都有用開canmake 皇牌涙袋眼影，使用感勁好。今次試用Canmake 春日限定 06 櫻桃甜心色，少女感滿滿。適合約會。閃亮珠光很細緻，能畫出自然不誇張臥蠶，顯色度飽滿，粉質貼服不易飛粉。

02號，福袋中其中一樣，小巧便攜，粉壓得唔實好易取粉過多，唔算顯色，唔怕重手，一盒攪掂，唔需要另外產品或工具，顏色靚，深色另外可畫眉眼線，淺色可當打亮

Canmake呢盒臥蠶眼影真係平靚正！粉質細膩，閃度自然唔誇張，一掃即刻有飽滿臥蠶，眼神即刻柔和哂。持久度都唔錯，帶妝成日都冇點掉。不過自帶個掃有啲雞肋，建議用自己的工具上妝。💖 #開架神器

平時我出街會用佢黎畫淚袋，呢隻係1號色，入面隻隻色都好有用，用佢可以輕易畫出臥蠶，令眼睛望落有種可憐的感覺。 質地方面，佢係非常幼細，上眼後都好貼服，唔會好易甩妝。 色澤方面， 佢有一種低調的珍珠光感，高級得嚟唔會誇張，一細盒便能夠打造自然的妝容。 而我覺得佢美中不足就係冇鏡，所以我將佢拆咗落呢個doremi扭蛋鏡盒度，令化妝過程增加了一份儀式感。

產品05，偏紅帶閃，4色都有閃粉，可作眼影，質地容易推開，但小心太日常的妝容會似眼腫。顏色非常美麗，較適合日系甜妹妝容。

顔色好清透自然，點疊加都唔會失手，包裝好輕，拎佢去旅行可以好簡單完成一個眼妝。02色比較啱皮膚偏白既女仔。

真係好鍾意呢款淚袋眼影 忍唔住過嚟推薦！ 大家見到我用到凹晒入去 😂 效果自然： 可以自然咁強調/畫淚袋 隱藏效果：網上流傳佢可以好神奇咁樣遮眼袋！ 包裝便攜： 小巧包裝方便攜帶，適合隨時補妝 附送嘅畫淚袋掃：個掃輕輕一畫就可以好明顯咁突顯到淚袋，然後棉頭可以用淺色顏色同閃粉highlight 好方便 Canmake Tokyo呢個淚袋眼影係一款性價比高的產品，手殘黨都可以輕鬆駕馭！🫶🏻

初初見到canmake 出臥蠶眼影無乜興趣，覺得係屋企隨手攞一盤眼影都可以畫到臥蠶，無必要買多一盤嘢擺喺度，不過自從睇咗台灣美妝youtuber 示範點樣用呢盤眼影去遮淚溝，我即時係日本掃咗3隻色，4號色仲要一直缺貨買唔到，不過考慮到4號嘅顏色未必可以遮到淚溝，暫時觀望未入手 雖然眼影盤勁細盒，不過入面質量一啲都唔馬虎，粉質幼細，唔會飛粉，閃粉低調，分量分配比例合理，附帶眼影掃大細啱啱好係一個臥蠶闊度，新手唔駛驚唔識預位，用咗3號色畫幾次，出嚟嘅臥蠶的確比較好，我最期待都係遮淚溝嘅能力，用遮瑕指腹掃沾偏啞光嘅膚白色，再輕輕係淚溝位置點壓上，淚溝果然消失咗，無論將頭轉向任何角度都睇唔到，對眼睇落精神哂，我宣布淚袋眼影從此成為化妝箱必備之物

Canmake皇牌淚袋眼影 春日限定 06號 櫻桃甜心色 3種色調，包括啞光，閃爍和陰影色。顯色度中等，但可以疊加。 整體效果的呈現，很少女。 整體色調是偏冷的粉色，適合淺膚色的女生。 除了化淚袋，也可以當眼影。

Canmake 01 有三種打亮白、杏、粉閃以及淺棕色，上色效果很好做臥蠶,不會化妝也會很快上手。珠光色不會很閃，很顯Bing Bing眼效果，推薦使用

呢款淚袋眼影係今年Canmake化妝品 甚至日本化妝品界大熱話題之一 本來想買熱門01號色 但俾完錢返屋企先知買錯咗03號色 不過都幾好用 聽人講話base肉色係可以遮黑眼圈 用後感係覺得相比真正遮瑕膏係無咁卡眼紋 當然 耐唔耐都要補一補 始終粉狀都快甩 珠光嗰兩格提亮效果都幾好 但畫卧蠶嘅啡色因為都有少少深色 有少少難handle （圖中最後無用到😅） 應該都要試多幾次先熟習 另外白色刷頭正常還好 但掃嗰面因為有啲硬 所以就麻麻地啱用 整體嚟講都不過不失嘅 CP值高 有機會想試埋個01號色