KAMINOWA法之羽

養髮液

感謝Cosme抽中我 令我可以試用法之羽KAMINOWA 的生髮防脫髮產品。

我嘅頭髮係偏軟，而且經常漂染，電直，令到頭髮好脆弱。人大咗 新陳代謝，越嚟越慢，脫髮嘅速度永遠快過生髮速度。

已經試過好多坊間其他防脫髮洗護產品，發現效果一般/甚至冇。法之羽嘅產品係由而外去解決生髮及防脫髮問題。

法之羽（養髮液）係一枝類似精華液嘅生髮用品。唧出嚟嘅感覺係似gel 但一推開你會發現係好流動嘅精華液，感覺清爽，將精華液按摩頭皮，令頭皮吸收。

產品建議每日使用兩次，盡量要喺頭皮乾爽嘅情況下用，但我每日只會洗一次頭，所以我每日淨係用咗一次。

效果未必比其他人更明顯，但係產品勝在好容易使用，所以我會繼續用，希望可以生多啲頭髮。