CeraVe

長效保濕修復乳

感謝cosme提供試用

對我呢啲有濕疹嘅人來講，保濕乳液唔係護膚品，係生存必需品。我主要用喺身體，尤其係手手腳腳，因為呢啲部位暴露得多，又成日要洗，好容易乾燥發作。

呢支修復乳最大嘅優點，就係令人安心。佢拎到澳洲濕疹協會個認證，真係唔係講笑。成份表乾乾淨淨，冇香料、冇酒精，呢一點已經贏咗好多開架同專櫃產品。

我習慣將放喺洗手盆旁邊。對手每次洗完，抹乾水之後就立即搽。佢個質地真係好清爽，推兩下就已經吸收晒，對手即刻可以攞嘢、打字，完全零黏膩。雖然質地輕薄，但保濕力唔弱，裡面有Ceramides同透明質酸，可以好快舒緩到洗完手之後那種繃緊同乾燥感，令對手保持軟滑。

至於腳部同手臂，我通常朝早出門前會搽一次。佢唔會黐住啲衫褲，好適合日用。清爽得來又能做到基本修護，幫我穩定到日間嘅皮膚狀態，唔會話一到中午就開始覺得痕。如果你同我一樣，需要一支溫和、清爽、可以頻密補搽嘅身體保濕乳，呢支真係冇得彈。