CeraVe

長效保濕修復乳

多謝cosme同CeraVe抽中我做試用🖤

呢枝係Cerave既長效保濕修復乳，對比另一款霜狀產品（罐身），佢嘅質地明顯偏薄身，好容易推開同吸收！前排塊面不知做咩好粗糙，應該係用咗磨砂洗面奶搞到皮膚屏障受損，於是即刻轉用佢，只係搽咗一星期已經好返晒～

如圖，延展性好高，屏障受損期間我會用搽超多上面（如圖既份量）作厚敷，大概1粒鐘左右訓前再抹走太多既lotion.
前排上妝係勁多脫皮情況，今日已經好返好多，個妝都貼服返！


🤍 修復力：5/5
皮膚屏障受損期間用完全零刺激，仲快速修復咗我塊面嘅粗糙同泛紅問題！

🤍 質地清爽度：3.5/5
乳液質地中至輕薄，但佢絕對唔係秒吸收個類lotion，但我都好鍾意因為有層膜感對受損肌黎講更加有安全感。


🤍 溫和度：5/5
配方簡單温和，冇香料酒精，仲加入咗神經酰胺同透明質酸，幫助強化皮膚屏障～

總結：
CeraVe呢支修復乳絕對係敏感同受損肌膚嘅救星！清爽得嚟修復力強，已經成為我轉季同皮膚唔穩定時嘅必備～會長期回購！推薦俾所有需要強化皮膚屏障嘅你！