CeraVe

長效保濕修復乳

多謝 @cosme 抽中試用！ CeraVe產品一直對敏感肌膚嘅人好有用、濕疹或者乾性肌膚嘅人亦都啱用。今次呢隻CeraVe 長效保濕修復乳主打持續為肌膚保濕、修護皮膚天然屏障。 咁啱呢期冬天、天氣又乾燥，自己啲皮膚乾到有啲甩皮、痛同「爆坼」，呢隻修復乳就嚟得合時！Lotion嘅質地比起cream輕盈，冇咁黏膩同埋吸收得再快啲。 同修復霜一樣，修復乳都適合用於面部及身體嘅乾性肌膚，個人覺得比起用cream，用lotion去搽手腳比較舒服，因為冇咁黏笠，就唔會覺得全身「黐笠笠」。 呢款修復乳係支裝，用嘅時候就好似沐浴露咁樣撳出嚟，都好方便，同埋唔需要擔心衛生問題。

感謝@cosme 抽中了我試用CeraVe～ 不過其實我本來就在用這一支產品了，終於可以就這個機會下定決心分享一下使用感覺(´▽｀) 圖中大支是我自購的，細支是@cosme 的試用品。 皮膚狀況： 首先，本人面部是混合性偏乾，全身皮膚為偏乾。手腳皮膚乾的程度，是在夏季的時候，每天都要使用body lotion。另外，我的面部及腿部都有做激光脫毛，會令皮膚間歇性更乾燥。 試用產品的原因： 在2024年初時，因為面部和腿部都很乾，而且做完激光不久，令到皮膚更易敏感。 就算用平時冬季用的body lotion，經常在6-8小時後，就會皮膚痕癢，在街外/上班/睡覺時都會忍不住R癢，尷尬到極點/睡眠質素欠佳⋯當時面部連化妝品都不能用，因為皮膚太乾⋯ 就算用綠色C牌、A牌、Q牌，一係太笠痴痴，睡覺時太焗，或只是將8小時延長到10小時，未能完全令人滿意⋯ 後來，一個有濕疹的同事介紹我使用這產品～ 我只購買了這一支，因為它可以「面部」及「身體」同時使用！正合我這種情況！ （我在夏季和冬季有不同的body lotion） 使用感覺： 很好！很滿意！ 首先，本人面部不能使用有酒精的產品，這一支沒有酒精

講真CeraVe 呢支修護乳真係冬天護膚嘅「守門員」嚟，特別係轉季皮膚開始爆拆或者痕癢嗰陣最啱用。 佢最大賣點係有 3 種神經醯胺 (Ceramides) 同 MVE 專利技術，簡單講就係幫你修復皮膚屏障，再慢慢釋放保濕成分，全日都 keep 住潤。雖然係 Lotion 質地，流動性高又唔笠，但係冬天用都夠力鎖水，搽完唔會過一陣就乾返。 我自己最鍾意佢夠大支又抵用，冬天沖完涼即刻搽全身，就算背脊、小腿乾到想裂開都搞得掂。而且佢無香料、無酒精，敏感肌或者做完醫美都可以安心用。如果你覺得冬天護膚淨係搽面唔夠潤，其實可以用佢打底再疊個 Face Cream，性價比極高，絕對係屋企要長期備有一支嘅好嘢！

我係乾性敏感肌，試咗Cerave長效保濕修復乳，真係好啱我！ 質地輕盈，沖完涼濕身即刻搽都吸收得好快，唔會黐立立。冇香料味，聞落好天然舒服，敏感位搽咗都冇反應。 保濕力唔錯，一晚鎖水第二朝皮膚水潤彈手。日常用方便，CP值高，推介！

多謝@cosme揀選我試用CeraVe長效保濕修復乳~~ 準備進入秋冬天氣，加上平時夏天都會喺冷氣房度令皮膚感到乾燥，平時嘅皮膚都有啲乾。 修復乳嘅質地比較輕薄、易推、亦都容易吸收，因為佢冇香味嘅關係，所以用落都好溫和亦都唔會有刺鼻嘅氣味。 使用後，身體肌膚明顯感到保濕同埋滋潤，解決我沖涼後覺得痕癢、繃緊嘅情況，而且瞓之前用亦都一啲都唔笠，十分推薦俾大家～～

呢支長效保濕修護乳真係試用之後要同大家分享下，開頭撳出嚟見到佢係乳白色嘅質地，搽落塊面度好易推開，吸收得又快，好快就入咗皮膚底層，完全冇嗰種黐立立嘅感覺，好似幫塊面飲咗杯水咁清爽。尤其係朝早趕時間出門，搽完再上防曬同粉底都冇搓泥，真係好適合我呢種怕麻煩嘅人。用到而家都未試過出油脂粒或者悶出暗瘡，個配方話唔會阻塞毛孔果然冇呃人。 我本身塊面好敏感，試過好多護膚品一用就泛紅痕癢，但呢支修護乳真係零刺激，搽上臉嗰陣好似同肌膚攬攬咁溫和，連眼周位薄薄哋搽一層都完全冇刺痛。有次肌膚敏感甩皮，厚敷咗層過夜，第二朝起身竟然冇再繃緊，脫皮位平復咗好多，真係要多謝佢個濕疹協會認證嘅低敏配方，而家連幫屋企BB搽手仔面珠登都好安心。 保濕力方面真係要讚，平時開冷氣瞓覺到半夜塊面會乾到醒，但用咗佢之後就算瞓足8個鐘，朝早摸落塊面都仲係潤潤哋。最驚喜係連續用咗兩個星期，原本面頰啲粗嚡嘅位置變得滑溜咗，之前一轉天氣就泛紅同痕癢嘅問題少咗好多，似係幫肌膚築返道保護牆咁。而家成日素顏出街都覺得肌膚質感透亮咗，冇再成日覺得塊面繃緊住要補濕噴霧。 整體嚟講呢支修護乳已經變成我護膚步驟嘅定心丸，無論係轉季定係捱夜後肌膚

皮膚情況：面&身體：混合性偏乾 使用感受： 試用左依款CeraVe長效保濕修復乳 ~2個禮拜。 佢個質地係水潤嘅cream咁。搽上面/身都好快吸收。吸收完之後皮膚都好清爽，唔會黐立立。我分別試過用喺面同身體。秋冬天比較乾燥的話，用上面就會覺得保濕力有少少不足。第二朝起身面部無乜水潤嘅感覺。 但用喺身體就覺得唔錯。我覺得幾適合用於秋冬天日常嘅身體保養。沖完涼之後輕輕搽一層保水，可以避免皮膚乾燥。依2個禮拜都keep住用，覺得皮膚比之前保濕左同soft左。朝早起身皮膚都唔會繃緊。 而且包裝係泵裝，感覺幾衛生乾淨～ overall好推薦秋冬乾燥天氣下使用。 使用後覺得水潤左同有降紅。

今次係試用CeraVe 嘅長效保濕修復乳(o'ω'o) 無論搽面定身體都可以一樣產品搞掂哂，岩哂懶人！ ,₍^. .^₎,~  呢個牌子一直都聽過係皮膚科醫生推介，所以我就算做完微針射頻（facial）有微細傷口，皮膚會變得比較敏感我都好放心試用佢～ Lotion會比起同一牌子嘅cream相對易推開，普通使用都足夠滋潤·͜·♡ 佢官方都講明比較岩中性同乾性肌膚使用，所以夏天嘅時候混合肌就要留意番啦～ 夏天有機會對我黎講會太潤，但冬天上妝前用佢就絕對無問題，無出現太乾/太油、擦膠碎嘅情況～

平時萬寧/屈臣氏特價個陣就會買入～已經用緊第4支了，初初打算以試下嘅心態買，因為想搵一支清爽的乳液，之後就一試成主顧 佢質地清爽，快吸收，有時懶起上嚟面都可以用埋！ 推薦沖完涼襯浴室仲有蒸氣嘅時候即刻用，咁就會吸收得最好。 不過如果冬天太凍太乾燥都會有啲唔夠力，建議冬天就要用番啲潤啲嘅產品～

呢支CeraVe長效保濕修復乳我覺得非常適合敏感肌。佢質地輕盈，推開後好快吸收，唔會有黏笠感。用左一個月，我完皮膚感覺穩定咗，冇再出現泛紅或痕癢。 佢係冇香味既，對我嚟講係加分位，唔怕刺激亦唔會影響其他護膚品或香水味道。整體感覺係一款務實型保濕乳，唔花巧但好可靠，適合日常護膚用。 如果你都係敏感肌，或者想搵一款簡單、有效、唔會搞到皮膚出事嘅保濕產品，呢支真係值得一試。

Cerave長效潤膚乳露好好用，質地輕盈唔笠，推開好快吸收，唔會留有厚重感。塗完之後皮膚即刻覺得水潤柔滑，保濕效果可以維持成日，特別啱秋冬乾燥天氣。 無香料設計，用落好安心，敏感肌都適合。每日洗完澡搽一層，皮膚持續保持滑滑哋，唔會乾到痕。包裝簡約，泵裝方便衛生，性價比高。

最近換季又乾又凍，皮膚越嚟越乾，搞到又痕又甩皮。見好多人都推介CeraVe隻身體乳，話平靚正又唔油膩，今次就同大家試吓，睇下係咪真係咁得！ 質地： 白色乳液狀，推開似薄身乳霜，唔算好水但絕對唔厚重。好易推勻，吸收速度中上，用完皮膚無黏立感。 氣味： 基本上係無香味，只有好輕微好輕微嘅原料味，唔刻意聞唔會發現。適合唔鍾意香味或者敏感嘅人。 效果同使用前後對比： · 使用前：皮膚有啲位覺得繃緊、乾燥，甚至甩皮。 · 使用後：即時覺得滋潤咗，皮膚軟滑咗。持續用幾日，覺得皮膚保濕力好咗，無咁易乾癢，摸落去手感滑溜咗。佢標榜有神經酰胺同透明質酸，幫皮膚修護同鎖水，效果幾實在。 價格： 藥房買大概$120-$150港幣左右 (473ml大支裝)，性價比高，平靚正！ 總結： 係一支成分溫和、保濕力足、唔油膩嘅基本盤身體乳，特別適合皮膚敏感、極乾燥，或者鍾意無香味嘅人。

Moisturising Lotion 屈臣氏的活動贈品。購買同品牌的Moisturising Cream贈送的。這枝Lotion的質地很妙，不是液體狀的，是像豆腐乳霜般半固體的。雖然沒有什麼流動性，但很容易抹開。 因為有時用果酸、A酸，皮膚會輕微甩皮，但依舊愛出油，用滋潤型的面霜仍然覺得負擔太重。這款乳液這個時候用正好，抹兩、三層也十分乾爽，摸着皮膚有變得柔軟，可以好好幫助皮膚鎖水。會回購正裝的。

謝謝cosme和CeraVe提供試用機會。一直是CeraVe產品的忠實粉絲，他們的產品價錢相宜而且效果顯著，不會有傷害皮膚的成份以及低敏感配方，尤其在冬天，滋潤的產品少不了它。 現在香港天氣還不算乾燥，如果覺得長效滋養修復霜的質地比較厚，就可以選擇修復乳，修復乳的質地比較容易接受。 長效滋潤修復乳 質地：非常容易推開，而且很快吸收，質地是水潤 持久度：持久度可以維持一個晚上，起床後皮膚亦可維持水潤感覺。 效果：個人是混合肌，容易長痘，遇到比較黏笠的產品就會容易生暗瘡，這牌子的產品可令我皮膚比較穩定不致痘。冬天非常適合塗於面部。 對混合肌而言，個人認為修復乳比較適合面部，修復霜適合身體。

非常感謝@cosme抽中我試用CeraVe的長效保濕修護乳！😍😍 換季時我的肌膚就容易緊繃發癢，這款CeraVe長效保濕修復乳質地輕盈且不黏膩，塗抹後能快速被皮膚吸收。它含有3種親膚神經酰胺（Ceramides）和透明質酸，能幫助修復肌膚屏障並鎖住水分。佢完全改變左我對一般身體乳液的偏見！ 使用後，我能感覺到皮膚的乾燥和緊繃感得到了緩解，持續使用下來，肌膚的鎖水能力有提升，換季時膚況也穩定許多。好鍾意佢不含香料又溫和，在轉季時為我的肌膚提供了有效的舒緩和基礎修護。 我會回購呢款保濕修護乳！

好多謝 @cosme 抽中我試用 CeraVe 長效保濕修復乳，之前有用過CeraVe嘅抗痘系列產品，體驗感非常唔錯，所以好期待今次試用。 修復乳嘅質地偏水潤，比起另一款罐裝修復霜來講，質地再稀d，個人覺得好適合夏天用，上手更易推開，可以即時紓緩到皮膚嘅乾癢，用落唔會過敏，同樣都keep到幾個鐘嘅水潤度。雖然呢款修復乳就做唔到修復霜厚敷手腳關節位做mask嘅效果，但拎來做日常保濕非常足夠，加上質地比較水潤，更適合放落細樽隨身帶住塗。 整體用落CeraVe嘅產品都好安心，比起罐裝設計，呢款樽裝設計使用上更方便，個人更鍾意用呢款，一定會回購。

好開心可以試用，多謝@cosme同CeraVe 試用期間膚質：混合偏乾 試用期間天氣：天氣炎熱同乾燥 包裝：樽裝 質地：半透明白lotion，有些少流動性 香味：無香味 CeraVe系好出名濕疹敏感肌牌子，lotion同cream都無添加香料，減低對皮膚負擔。lotion系依家呢個天氣用無黏笠感，好易推開同易吸收。雖然依家天氣炎熱但濕度有時都偏低，都要keep住搽lotion避免皮膚乾燥。有d lotion搽左好笠，但呢隻lotion就無呢個問題。因為無油份，我嘗試系化妝前用，發覺可以令粉底更貼面。 產品可以提供到全成份十分加分，有埋到期日同有to be used within how many months after opening令人十分安心。但Phenoxyethanol呢個防腐劑成份排得好前，令我有d擔憂，如果改善埋就更好。

多謝@cosme 比我呢個使用嘅機會去試吓CeraVe MOISTURIZING LOTION長效保濕修復乳！一向都聽講呢個牌子嘅產品喺鎮靜修復保濕呢啲方面都好好，不過一直都未接觸到佢！首先，產品質地超輕盈清爽，好容易推開就融化落皮膚，吸收快到幾秒鐘冇哂黏膩感～ 完全冇油光，搽完摸落去好滑！好滑！ 平時好怕皮膚會黐立立，所以呢種吸收得咁快清爽嘅產品，我會係朝早用～ 查完出門口幾個鐘後，肌膚依然清爽但係都仲感受到保濕嘅感覺！持續用咗一排，我原本嘅乾敏問題改善咗好多！本身乾燥粗糙嘅地方都平滑咗～

多謝cosme比我CeraVe 「長效滋潤修復乳」 呢個轉季就可以試下佢😗 之前都有用過其他醫學品牌嘅護膚產品 A字C字等等 而呢個比較新進嘅ceraVe身邊都有朋友試過 都有不少正面嘅評語!!😝 打開產品都係只有淡淡嘅乳液氣味 無咩額外嘅添加香料 對於敏感肌嘅我嚟講就加左唔少分👍🏼 呢款乳液質地比較輕盈 所以我主要用佢係面上嘅滋潤 沖涼後用減少左不少面上嘅乾燥崩緊感覺！😆 而且好快都吸收到 而且重保持到個滋潤感 比起其他品牌 我試過擦完個種黏黏嘅感覺會成晚都有🥹 用左一星期多啲 面部嘅敏感皮膚都有所改善👌🏼 少左脫皮問題 期待再凍啲佢嘅表現🥹

十分開心抽中可以試用，感謝@cosme同CeraVe🥰 之前都試用過CeraVe產品，印象良好，今次系第一次試用佢嘅lotion同cream Lotion同cream都系白色，但lotion系偏透嘅白而cream系實色d嘅白。Lotion比較稀身，水份比較高、偏流質嘅。系依家呢個天氣好啱用，保濕同埋好易推開同易吸收，冇黏笠感，系化妝前用可以加強保濕，幫助底妝更加貼服。 Cream如果依家個天氣用就略有黏笠感，但遲d秋冬天就非常適合，滋潤度十足。 包裝方面，lotion一按就用，使用上十分方便。而且可以鎖樽，有顯示open or close方向。但cream嘅包裝就略嫌不足，如果改為唧裝使用上會更好 。 試用左CeraVe嘅產品都令我有好印象，兩款產品都有效對抗乾燥皮膚，滋潤度同吸收速度都良好，而且CeraVe產品配方無添加香料，可以減低對皮膚嘅刺激。