CeraVe

長效滋潤修復霜

多謝@cosme 抽中試用長效滋潤修復箱！一直都聽過呢個低敏牌子，不過之前一直都係用另外一個牌，今次係第一次使用！

我係濕疹皮膚再加有玫瑰痤瘡，需要低敏而夠保濕嘅，所以我主要都係搽喺面部有泛紅嘅位置，同埋身體上有濕疹嘅位置 。

修復箱質地比較 杰身，而家仲係咁熱嘅天氣嚟講對於某啲人可能會覺得太厚重，不過對於我濕疹皮膚有問題嘅位置其實啱啱好，但係就當然唔可以搽得太厚身，薄薄地咁樣搽幾浸。而秋冬季嚟講我覺得係可以全身搽。

而修復箱嘅味道好似診所之前比嘅潤膚A cream咁嘅味道，感覺就係無添加香料，用得安心。

用咗一個禮拜之後覺得啲泛紅有改善到，濕疹都冇之前咁紅，望落去都有改善。下面兩幅圖上邊就係用之前，下面就用之後：


總括而言，呢一個係值得推介嘅產品，非常之啱敏感肌使用，亦都真係可以減少泛紅。不過好老實講唔係每一個位置都可以咁快改善到，我都唔係全部濕疹位置都變得唔紅，畢竟泛紅嘅因素同內分泌以及平時食啲乜嘢同埋生活習慣有關係，因人而異，但呢個修復霜的確係其中一個可以輔助嘅嘢。