CeraVe

溫和保濕潔膚露

首先多謝@cosme嘅試用，今次我試用係溫和保濕潔膚露。

身為敏感肌嘅我，本身都已經係CeraVe嘅用家，之前都有用過呢一款潔膚露。

佢嘅質地係類似嘅乳霜質地，完全唔起泡。
用上臉洗嘅時候感覺好溫和好舒服，冇好大刺激嘅感覺。

但係如果你個皮膚係好乾燥嘅情況下，例如好似我咁鼻敏感，要不斷擤鼻涕而導致鼻翼附近好乾嘅情況之下，再用呢一支洗面呢其實係會有少少拮拮地嘅感覺🙈
我諗係因為皮膚想快速咁樣吸收水份，而令到有呢一種少少刺激嘅反應。

但整體嚟講，洗完之後都覺得好保濕，唔即時搽返任何保濕嘅cream都唔會覺得繃緊。係一個皮膚係敏感情況之下，用完都會好安心嘅產品！

個人而言，會鍾意喺冬天嘅時候用呢一個product多啲！