CeraVe

清爽泡沫潔膚露

首先多謝@cosme嘅試用，今次我試用係清爽泡沫潔膚露。

身為敏感肌嘅我，本身都已經係CeraVe嘅用家，不過今次係第一次試用呢一款潔膚露。

佢嘅質地唧出嚟嘅時候係gel嘅質地，加咗水之後係可以起泡。

用上臉洗嘅時候感覺好溫和好舒服，冇好大刺激嘅感覺。雖然係有泡去洗，但係個感覺都係足夠潔淨，去到油之餘，又唔會令到你好乾。同埋即使鼻翼位比較乾，如果用啲太保濕嘅產品，不論係保濕定係洗面，其實乾嘅位都會有啲拮拮地嘅刺激感覺，但係我用呢一隻嘅時候完全冇👍🏻

但整體嚟講，佢哋嘅product洗完之後都覺得好保濕，唔即時搽返任何保濕嘅cream都唔會覺得繃緊。係一個皮膚係敏感情況之下，用完都會好安心嘅產品！

個人而言，覺得夏天嘅時候用呢一個product好適合。