CeraVe

SA水楊酸煥膚潔膚露

好多謝今次試用呀！我用咗大概一個星期。我係敏感肌，本來都有啲擔心有水楊酸會唔會好乾或者刺激，但係因為呢個品牌係皮膚科醫生研發，專for敏感肌，所以我最後都放心試咗。

點知用完真係覺得好溫和，一啲都唔刺激，我塊面完全冇緊繃或者唔舒服。用完覺得毛孔好似乾淨咗，鼻翼啲黑頭粉刺好似冇之前咁明顯。塊面摸落去真係滑溜咗，冇咁粗糙，成塊面睇落都有光澤同彈性咁！估唔到含水楊酸都可以咁溫和，仲要好有效添！我通常只係晚間使用，每星期用大概三至四次，唔會每日用，以免過度去角質。用咗幾日已經覺得下巴啲閉口粉刺平伏咗少少，冇咁「粒粒」嘅感覺。雖然係功能性產品，但完全冇一般煥膚產品嘅乾燥感，反而覺得好保濕，後續再用精華都冇拮拮哋嘅感覺。係我會想繼續用落去嘅溫和煥膚產品！