CeraVe

SA水楊酸煥膚潔膚露

首先多謝@cosme嘅試用，今次我試用係SA水楊酸煥膚潔膚露。

身為敏感肌嘅我，本身都已經係CeraVe嘅用家，而呢一款潔膚露係我喺咁多支產品入面最鍾意嘅。

佢嘅質地唧出嚟嘅時候係gel嘅質地，加咗水之後係可以起泡。
用上臉洗嘅時候感覺好溫和好舒服，冇好大刺激嘅感覺。雖然係有泡去洗，但係個感覺都係足夠潔淨，去到油之餘，又唔會令到你好乾。
同埋當你長期keep住用嘅時候，面上嘅暗粒同埋油脂真係會少咗，佢係真係做到撫平粗糙顆粒，令到肌膚潤澤平滑嘅呢一個效果。

但整體嚟講，佢哋嘅product洗完之後都覺得好保濕，唔即時搽返任何保濕嘅cream都唔會覺得繃緊。係一個皮膚係敏感情況之下，用完都會好安心嘅產品！

而家網上都有提出唔同嘅使用方法去用呢款水楊酸煥膚潔膚露，例如而家香港係夏天，佢哋提議將呢一個product攞嚟洗腋下，去減少汗臭味，如果大家有呢個需要嘅話都可以試吓🙈

基本上呢一款product我係一年四季都會用，大推！好用！