CeraVe

SA水楊酸煥膚潔膚露

Cerave 出名產品溫和，所以我認為大部份產品都唔需要擔心會敏感嘅問題，我自己皮膚比較敏感但so far 所有product 都冇過敏！同埋幾鍾意佢哋嘅泵頭設計係可以lock返！因為今次試用有幾款產品一齊用，所以我放一張前後比較圖俾大家參考，眼底嘅油脂粒係明顯平咗毛孔都細咗。但我又實際上講唔出係邊一支嘅功效😂輪住用，因為我覺得每一枝嘅清潔強度都唔一樣，可以視乎情況使用。唔一定要淨係用死一支。
個人感覺清潔後繃緊程度:(大至細排序，不過就算係最高亦都唔會覺得係過度清潔嘅過乾)
二合一卸妝>水楊酸>白泥>溫和起泡

呢支容量幾大，出晒名洗咩都得😂洗頭髮會蓬鬆啲冇咁油，洗腋下會清爽啲，冇咁易出汗同臭。水楊酸通常都會比較刺激，但佢標榜可以每日使用，洗嘅時候都的確好溫和，唔會刺。不過我認為始終係酸類嘅產品洗完後應該馬上進行保濕。下巴嘅粉刺，好似有減退，但始終屬於清潔用品仍然需要較長時間去觀察，但性價比高，應該每人都有一枝😆我仲會用嚟洗手踭，有比較滑！