CeraVe

SA水楊酸煥膚潔膚露

CeraVe潔膚護膚產品係經典嘅醫學護膚品牌，全部都係由皮膚科醫生憑藉佢地專業知識而研發出來，為我地修護同強化健康肌膚。一直以嚟聽到其他人對CeraVe嘅評語都好好，價錢唔貴，包裝實而不華，所以我都好想有機會試用佢地嘅產品。

今次收到CeraVe嘅4款潔膚露，真係十分開心，在此非當多謝@Cosme俾我有今次試用嘅機會。

首先，講講我嘅皮膚，我嘅膚質係屬於混合性，T字位偏油，兩邊面頰有時會偏乾，臉上間中會有暗瘡嘅問題。





CeraVe SA水楊酸煥膚潔膚露，係一枝可以有效潔淨臉部污垢、油脂，同時可以令毛孔更乾淨，及減少黑頭粉刺暗粒嘅洗面。擠出嚟，感覺就好似凝露嘅質感咁絲滑，無香味，可以用手或起泡網打泡泡，直接用手都好容易起到泡。洗完面後，塊面感到好滑，皮膚唔會覺得繃緊。平時用粉底、防曬霜之後，我會先用卸妝膏去洗，之後再用呢枝潔膚露做二次清潔，就已經勁乾淨。

呢枝CeraVe SA水楊酸煥膚潔膚露，用咗一段時間後，我覺得係好啱本身皮膚狀況比較多暗粒嘅時候用，洗面嘅時候喺面部多暗粒嘅位置按摩多一陣，堅持一段時間後，黑頭粉刺暗粒真係有改善。我覺得佢就好似毛孔清道夫咁，可以幫我嘅皮膚毛孔深處嘅油脂同污垢溶化，趕走老化粗糙角質層，完全唔會感到刺激同敏感，推薦大家使用。