Sulwhasoo 雪花秀

第6代潤燥再生精華 (人參精華肌底液)

好開心收到來自@Cosme送出嘅試用產品！

前排成日捱夜趕deadline，塊面又乾又暗，仲要成日泛紅敏感，護膚品搽乜都好似唔吸收。之後的起心肝試咗雪花秀隻潤燥再生精華，再配合埋禦時緊顏參養面霜一齊用，真心覺得成個膚況穩定咗好多，想同大家開心share下～

質地及膚感
一唧出嚟係淡褐色嘅水狀精華，好清爽水潤，推開嗰下已經覺得好輕盈，完全唔似搽緊嘢。拍上面好快就吸收晒，唔黏笠、唔侷促，後續搽面霜都覺得吸收得好咗。個味係好舒服嘅草本人參香，唔刺鼻，搽完個心都靜落嚟。

保濕度
補水效果即時感受到，拍完塊面係嗰種飲飽水嘅柔軟感，唔再乾爭爭。最正係佢唔係得個「濕」字，而係真係鎖到水。以前冷氣房坐一日，下晝塊面就開始繃緊，但用咗呢支精華打底，到收工塊面都仲係潤潤哋，冇再出現甩皮情況。

修護強韌
呢個係我最驚喜嘅一點。以前轉季或者壓力大，塊面就好易泛紅、痕癢，護膚品搽上面仲會刺痛。用咗潤燥精華大概兩星期，我發現塊面冇以前咁易敏感，泛紅真係減少咗，皮膚摸落去柔嫩咗、唔再粗糙。感覺好似幫皮膚打咗個底，屏障健康咗，冇咁易俾外界刺激到。

淡紋彈潤
持續用咗一個月，本身虎紋同眼尾嘅乾紋真係淡咗，笑起上嚟冇以前咁顯眼。塊面摸落去飽滿咗、有彈性，唔再係乾癟癟嗰種。配合埋禦時緊顏參養面霜一齊用，緊緻提拉效果更加明顯，jawline都出番嚟。

使用情境
我覺得呢支精華一年四季都用得，夏天單搽佢已經夠清爽保濕，秋冬就用嚟打底，再疊加面霜加強滋潤。特別啱轉季、捱夜多、壓力大、皮膚唔穩定嘅時候用，真心幫到手。

使用比較
以前用過其他抗老精華，有啲質地太厚、吸收唔到，有啲就淨係得個保濕，修護效果麻麻。雪花秀呢支喺清爽同修護之間平衡得好好，而且佢唔係單靠一支精華去抗老，而係幫皮膚打好個底，等之後嘅面霜發揮得更好，感覺實在啲、全面啲。

整體感受
最鍾意佢清爽得嚟夠潤、修護力又夠強。用完之後塊面真係水潤咗、穩定咗，冇咁易泛紅敏感，成塊面睇落健康咗、有番年輕活力。如果你都係成日捱夜、皮膚唔穩定、搽乜都唔吸收，呢支真心值得試！配合埋禦時緊顏參養面霜一齊用，抗老效果更加倍～