ADDICTION

立體水光粉底液

呢支粉底嘅002色號真係好自然，有少少提亮效果但又唔會過白，冬天用真係啱啱好！上臉嗰陣簡直係驚喜，超級無敵貼服，連眼皮位都一條粉底紋都冇卡，毛孔同細紋位都處理得好好～

滋潤度香港冬天用真係夠晒潤，仲帶住層好靚嘅水光感，個妝睇落好似自帶打光咁！遮瑕度就中等啦，上一層大概遮到五成，想遮好啲重點部位可以補多層。

持久度都唔錯，但如果帶妝8個鐘左右會暗沉大概半個至一個色號，同埋法令紋位會有少少卡紋，不過依然keep到嗰種水光貼服感，鼻哥出油用粉餅印一印就即刻恢復靚靚妝效～總結嚟講，係一支好貼服、好自然、帶住自然水光妝效嘅粉底，瑕疵皮可能覺得遮瑕唔太夠，但日常返工返學用真係夠晒，個水光肌效果真係好正！