NIVEA

LUMINOUS630雙效淡斑抗皺精華

今次試用咗13日nivea luminous 630系列嘅爽膚水精華同埋乳液 我早晚都有搽 次序係爽膚水，精華，最後係乳液
首先講吓三樣嘢一齊用嘅感受先！我覺得一齊用嘅保濕程度好足夠 作為混合性偏乾肌嘅我好鍾意 面上邊係有微微黏立嘅感覺 咁樣我先至覺得夠保濕 夜晚可以安心瞓覺 不過去到四月中嘅時候 天氣已經開始熱 我覺得可以skip咗精華或者乳液其中一樣 保濕程度都已經夠 日頭嘅時候我都會用晒呢三樣產品之後再化妝 個黏立嘅程度可以黏實我個妝 而且完全唔起擦膠碎！下面係妝後 可以見到我個妝勁貼

跟住就係重點重點重點！before after!
Day1（搽後）：

Day13（搽後）:

大家睇吓顴骨嘅雀斑淺咗！呢個系列好有效！有雀斑嘅姐妹真係要衝！

講完整體跟住落嚟就專注講精華！
呢支精華係白色的 推開就會變冇色 佢有一浸淡淡嘅杏仁味 雖然我平時好唔鍾意杏仁味 但因為呢支精華嘅杏仁味唔算好濃 我覺得可以接受 重點係佢淡班效果超正 所以我願意忍受佢有杏仁味🤣 加上陣味唔會好持久 都散得比較快

佢嘅質地算係濃稠得嚟偏清爽嗰種，因為好快吸收晒，推開就會薄薄一層有保濕效果唔會覺得皮膚唞唔到氣，搽完面之後塊面好有光澤 建議配搭同系列嘅爽膚水一齊用 咁就會吸收得更加好啦～