MAYBELLINE

SUPERSTAY 超持久30H空氣感粉底液 (月光小紫瓶)

N20色號，自然色號，呢隻顏色較為貼近我嘅膚色，相對遮瑕度會較好。香港女仔大部份用N10，N20，C20都適合。

質地輕盈，容易推開，用返平頭粉底掃掃開，可以推得好均勻又保留遮瑕度。推開乾透之後會變霧面狀態，但係都幾透薄，未算太焗。少許粉感，但可以接受。佢係霧面妝感關係，我就唔會再上碎粉，夏天啱用☀️

另外會用返啲水潤保濕嘅底霜，添加底層皮膚保濕度。粉底液只有spf12 pa+++，一定要用防曬。用咗五六個鐘，我就有少少甩粉，不過香港天氣實在太焗又熱，加上我又冇用碎粉定妝，持久度不過不失。但我一用有成膜劑嘅粉底液，就會起暗粒🥲依枝都冇例外，用第一次冇出事，第二次額頭就起咗好多小暗粒。