SOFINA iP

升級土台美容液

土台美容液舊版都有用過，不過當時未被圈粉。之後用了同樣是花王旗下est的the serum，一樣都是碳酸泡泡精華覺得好好用。又見土台美容液出左升級版，於是再試試，就覺得好好用！



首先，同樣擠出來都是碳酸泡泡精華，升級版呢隻明顯易吸收過舊版好多！以往可能塗完推完都仲感受到精華液的存在，現在升級版推完會覺得吸收滲透左，皮膚柔軟注氧。睇返官方話碳酸幕絲係可以細到毛孔20份之一，所以可以直入肌底。

另外，碳酸護膚呢個技術，其實都好值得推崇。概念是可以瞬間擴張皮膚底下的微絲血管，透過血液循環的促進，將更多氧氣和營養傳達，其實是令整個肌膚微循環更健康。

所以有時塗完土台美容液後，會見到面部有少少瞬間紅潤，其實就是血液循環增強的表徵。而用耐左更加會覺得皮膚愈來愈穩定，難怪呢支土台美容液拎過咁多美容獎項。

夏天用都好適合，因為吸收完質地係好通透，所以早晚用都好適合，作為洗完臉穩定夏日肌膚的第一步。