KANEBO

平衡煥妍精華水

夏天係油性肌膚嘅我，洗臉後只會用清爽型嘅化妝水同質地乾燥嘅cream做保養。市面上要做到控油同時深層補水嘅化妝水唔多，而Kanebo嘅「平衡煥妍精華水」就做到。

佢嘅包裝好新鮮好特別，個蓋係傾向一邊。選用嘅顏色係高級而低調嘅深灰色，啱晒我呢啲鍾意簡約包裝嘅人！至於精華水有一浸好特別嘅草本味，聞落好舒壓好放鬆，放工後返嚟使用覺得好舒服。由於係水油雙層精華水，大家記得使用前要先搖勻。質地同一般化妝水沒有太大分別，拍打上臉後覺得好清爽，冇黏笠感，而且即時有光澤感。個人覺得非常容易吸收，肌膚零負擔，配合埋「平衡潤妍保濕乳霜」使用亦減少咗出油嘅情況，非常適合油性肌膚喺夏天使用。同時感覺佢唔係只會停喺肌膚表面，而係有慢慢滲入肌膚深層，令皮膚保持水潤不乾燥。使用一星期後都覺得肌膚狀況相對上比較穩定，同埋冇出咁多油。