Dettol 滴露

ProFresh清爽保濕沐浴露(水感蜜桃)

多謝@cosme嘅邀請🙇🏻‍♀️

其實我自從疫情開始就已經係滴露沐浴露嘅忠實用家。長期用開嗰隻係有99%殺菌功效嘅松木沐浴露。

本身自己皮膚都算穩定，間唔中有啲敏感同乾。平時都係靠潤膚霜去滋潤肌膚。今次試用ProFresh清爽保濕沐浴露-水感蜜挑，一撳出嚟聞到嗰隻香味好濃，我覺得比較適合有汗臭困擾嘅人。我個人覺得呢隻味太濃，有啲攻鼻。撳出嚟係橙色半透明，陣 味好似一啲好甜嘅蜜桃味甜品，個香味其實唔係好自然。 一般再加少少水已經可以起到好多泡。

用完一段時間後感覺皮膚冇咁掹掹緊，多咗一層保濕。 不過佢嘅香味對我嚟講真係太濃，可能咁樣先可以做到12小時防汗味⋯⋯ 我諗我都係會買返經典松木或者柚子及茉莉花味，依一隻我會推薦俾一啲比較易出汗，尤其係夏天會有體味嘅人。