Dettol 滴露

ProFresh清爽保濕沐浴露(水感蜜桃)

多謝cosme揀到我試用Dettol滴露ProFresh清爽保濕沐浴露（茉莉花及柚子 & 水感蜜桃）

呢枝ProFresh清爽保濕沐浴露蜜桃味比較濃，適合出汗多嘅人用，不過唔算太甜，男女都啱用。

依家個天氣有少少乾 但沖完涼冇果種緊繃 冇敏感 皮膚水潤但清爽 又唔黐笠
原來佢成分採用天然精油，仲加咗Activ-Botany™植萃保濕精華*，有效鎖緊肌膚水份及天然屏障，令皮膚更滑。
仲用無矽 pH 平衡配方，無刺激性化學殘留物，安全抗菌。

可能係因為無矽，質地透明似啫喱，起泡唔算太多，不過清潔度無受影響，用完成日身體都幾清爽。

兩款嚟講我鍾意柚子多啲，蜜桃濃味啲，我唔太鍾意。