M.A.C

專業無瑕霧鏡氣墊粉底

多謝@cosme同M.A.C嘅抽選，今次試用左霧鏡小黑盒 專業無瑕霧鏡氣墊粉底。本人膚質屬於油皮，不論咩天氣都超快出油。
今次霧鏡小黑盒嘅質地透薄，延展性高，輕輕一按已經可以上晒成塊面。但如果多次堆疊喺鼻尖位會容易顯得厚重同出汗出油後會有白芝麻嘅情況。
持妝方面基本上都唔見有脫妝同暗沉情況，日常工作同外出基本上夠用。但控油方面就略嫌不足，啱啱上面完妝時的確做到乾爽，但3小時後已經去到鼻尖出油需要印走面油嘅階段。不過值得讚嘅係印走面油後仍然冇印走太多嘅底妝，不過就會開始有白芝麻嘅情況。
至於遮瑕方面霧鏡小黑盒係唔錯嘅，可以見到我下巴嘅暗瘡印同鼻翼兩邊嘅紅都修飾到7至8成，而且妝感都非常自然，唔會有太重妝感嘅問題。
結論係霧鏡小黑盒氣墊粉底質地透薄、延展性高，輕按即可上妝，但鼻尖多次堆疊易顯厚重。持妝度佳，不易脫妝暗沉，但控油力不足，3小時後鼻尖會出油。遮瑕力不錯，能修飾暗瘡印和泛紅，妝感自然。香港嚟緊進入夏天，潮濕炎熱，對於我呢啲大油皮嚟講就應該唔夠做。但如果淨係T區出油或者中性肌就應該係一個好選擇。