M.A.C

專業無瑕霧鏡氣墊粉底

今次抽中cosme 試用活動，色號係N18。第一次用被遮瑕度驚豔！妝感強得黎唔厚，霧面得黎唔會黐立立，但乾肌應該唔啱，會覺得乾。

我係混合肌鼻位易出油，毛孔粗大多斑，膚色偏黃；第一次用拍幾下已經將啲斑遮咗8成，喺完全無用其他遮瑕用品之下，呢個磨皮效果相當滿意，有妝感但又唔會覺得好厚。
毛孔遮到7成，粗大地方都無咁顯眼，而T字位有上少少碎粉定妝都有再遮多啲毛孔。平時用氣執如果唔用碎粉定妝，會覺得黐立立；而今次用小黑鏡一啲都唔覺得立，有可以唔用碎粉嘅感覺。但最後都覺得T字位用少少碎粉會安心啲。

今日好天去海邊食野散步，晏晝好曬都有出吓汗，過咗6個鐘返到屋企，兩邊面keep住乾爽，完全無出油；鼻頭有出油就有少許浮粉，出現白芝麻。 整體比我平時用bb cream+碎粉效果好。總結黎講持妝效果算出色，過咗6個鐘都無暗沉，同初初上妝時差唔多。除咗我鼻位毛孔粗大出油就有出現少少浮粉，其他無論遮瑕、妝感都相當滿意。如果乾肌朋友用，要做好妝前保濕。