M.A.C

專業無瑕霧鏡氣墊粉底

🫧膚質 / 膚況
冬天局部油性；敏感肌
瑕疵皮: 鼻頭毛孔較粗大、膚色不勻 (主要鼻周圍泛紅同啡色痘印)

🫧對化妝品嘅要求
個人比較重視均勻膚色 > 遮瑕 > 持妝 > 氧化嘅效果，而M.A.C呢隻氣墊粉底都做到以上功效。🫧妝感
M.A.C專業無瑕霧鏡氣墊粉底只須薄薄一層已經可以均勻到膚色。上臉後臉部明顯地霧面咗，而微微出油後透出嘅光澤會令妝感更自然。佢嘅質地唔算特別薄透，延展性都唔算特別高。收到嘅色號本身對我嚟講白咗少少，但經過一段時間後會慢慢融入我嘅肌膚，望落更自然，唔會暗沉太多。

🫧遮瑕
我塊臉泛紅問題本身都明顯，而只係用M.A.C專業無瑕霧鏡氣墊粉底上咗一層就已經遮晒臉頰泛紅嘅問題，即時均勻到膚色。不過同其他遮瑕度高嘅產品一樣，佢嘅妝感會比較厚重，唔係好做到透薄自然嘅妝感。新手的話唔太建議使用，好容易會因為拍得唔均勻/取粉太多而令到塊臉睇落好厚同唔自然。

🫧控油/持妝
我冬天T字位都會出油，臉頰較乾爽。呢隻粉底控油效果非常好，喺室內比較焗嘅環境下都維持得好好。到放工返到屋企個妝都係完整的，呢部份好滿意！作為油肌人，我平時只要天氣熱少少已經頂唔順會出晒油，所以我非常期待夏天使用佢嘅持妝效果！💥個人覺得佢個粉撲唔係咁好用，因為好硬，唔係好推到啲粉底。我呢篇係針對個粉底做評論，只係用過個粉撲一次，之後用返自己嘅粉撲上妝。而且粉底好快就乾，難推，要局部上完先上另一邊。另外原先嘅粉撲好難洗乾淨，洗極都有粉底痕跡，唔知係咪得我係咁？