M.A.C

專業無瑕霧鏡氣墊粉底

我一直係M·A·C化妝品嘅粉絲，今次好開心可以試用到【霧鏡小黑盒】——專業無瑕霧鏡氣墊粉底。第一次打開已經覺得包裝型格，拎上手質感好好，個棱角粉撲真係好貼心，鼻翼、眼頭呢啲位都輕易上到粉。

我本身係混合肌，T字位易出油，兩頰偏乾。呢款氣墊粉底質地輕透，但意外地遮瑕力好高，輕輕印一層已經修飾到毛孔同泛紅，重複堆疊都唔會覺得厚粉，妝感自然帶柔霧效果。

最令我驚喜係佢嘅持妝力！最近天氣潮濕，我返工成日都超過10個鐘，放工返到屋企妝容依然完整，冇乜點脫妝，而且冇暗沉變黃。佢有SPF50防曬，仲防水防汗，夏天用真係好安心。

總括而言，呢款氣墊粉底透氣、高遮瑕又方便補妝，絕對會回購！