M.A.C

專業無瑕霧鏡氣墊粉底

呢款MAC霧鏡小黑盒，真係好有驚喜！！
點可以做到用氣墊都可以有好靚嘅霧面妝？好適合香港嘅天氣！
本身皮膚係混合偏乾，T zone會出油。啱啱上完個粉底，可以見到個妝超級靚，粉質細滑，容易 blend開，同皮膚融合得好好，遮瑕度有6-7成，但唔會厚粉，就算係鼻翼呢啲好容易卡粉嘅位置，上完都完全冇浮粉，毛孔都修飾得好，唔會卡住，碎粉就咁薄薄地上一浸就可以；5小時後係lunch time時，整體妝容都仲係好靚，我冇特別再補妝，想睇吓如果一日唔補妝嘅效果係點，去到9小時，都係T zone有少少浮粉，但呢個程度相信如果中途有補妝嘅話會keep得更加好，整體好滿意，最近一個禮拜每一日都係用佢；咁啱呢排去咗日本旅行，更加有驚喜，日本嘅天氣相對香港冇咁潮濕，我以為霧面嘅粉可能會乾，但出嚟嘅效果依然係好靚，我仲要全日冇補妝玩一日，返到酒店個底妝都仲係好靚，已經榮升我2026年最鍾意用嘅氣墊粉。