M.A.C

專業無瑕霧鏡氣墊粉底

自己一直係M.A.C.粉底液ge用家，但仲未試過佢出ge cushion。多謝@cosme抽中我，等我可以試用下。

以下係連續每日帶妝使用一星期後ge心得。

➡️持妝與妝感變化： 
防水防汗能力正常，日常室內番工足夠應付。但係用原裝粉撲上妝五個鐘後，妝容會出現班駁ge情況，尤其係臉頰位置最明顯。推測原因係原裝粉撲質地偏硬，上妝果陣未能將粉底均勻推開同融合肌膚，令妝容後期變得斑駁。後來改用化妝掃搭配the tool lab粉撲上妝，妝感明顯更透薄均勻，班駁情況亦大大改善，用o岩工具好重要。齋上cushion會有輕微水光感，上左碎粉會霧面左，帶妝耐左，皮膚出番油，又會變左輕奶油肌。另外顏色方面，我用緊NC20，時間耐左因為氧化，會暗左少少，但無變黃或者灰，反而同我條頸同番色，仲自然左。

➡️質地與遮瑕力： 
呢款cushion粉質細膩易推，延展性都唔錯，重複堆疊都唔會變得好厚重。單上一層已經足夠遮蓋微血管、泛紅呢類輕微ge瑕疵，日常返工妝感自然，面色即刻提亮均勻。不過對於顏色較深ge暗瘡印，單層遮瑕力就唔太夠，需要疊加多一至兩層，先可以遮到8-9成。整體妝感帶輕微水光感，唔會話好似韓妹大愛咁ge超水光感。

➡️控油與保濕表現：  
雖然產品介紹話可以保持24小時零油光，但我化妝五小時後T字位都有輕微出油，臉頰由上碎粉後ge霧面狀態變成少少奶油肌，不過唔係滿臉油光嗰種，整體妝感都仲係好睇。出油ge T字位用吸油紙輕輕印走多餘油脂就可以直接補妝，無出現大面積溶妝ge情況。
至於cushion ge保濕度屬於中等水平，我本身用緊A醇護膚品，皮膚偏乾，但帶妝期間都無繃緊或乾燥甩皮，只係上埋碎粉之後眼周會有少少紋。

➡️包裝與補妝體驗：  
包裝纖薄輕巧，攜帶出門補妝的確方便，唔會佔太多空間。原裝粉撲設計雖然照顧到鼻翼、眼周等細位，角度貼合，好容易上到細節位，但可惜質地偏硬，影響妝感均勻度，用自己ge工具會穩陣好多。另外試過直接用cushion補妝，過程都簡單快捷，印開後唔會出現厚粉積線ge情況。


🟡總結：  
呢款cushion整體表現穩定，粉質易推、可堆疊、控油及格，又有防曬功能SPF50/ PA++++，日常輕遮瑕返工妝完全足夠，氣色提升亦明顯，整體持妝表現都算唔錯。缺點在於原裝粉撲偏硬，容易令妝容班駁，但改用其他上妝工具可解決。另外就係價格考慮，粉底液同cushion 按ml數計，價錢都相差差唔多一倍，如果唔拎出街補妝，可能粉底液性價比更高。如果滿分10分，我會比8分佢——幾實用但唔算非常驚艷，適合追求自然輕妝、日常通勤使用ge人。