M.A.C

專業無瑕霧鏡氣墊粉底

今次要試用嘅係M.A.C 專業無瑕霧鏡氣墊粉底(霧鏡小黑盒)~ 自己本身係呢個牌子嘅底妝愛好者，所以今次都好期待試新產品。我係混合性偏乾皮膚，平時比較偏好水光效果嘅cushion~ 今次呢隻 cushion 效果好出乎意料，佢做到乾爽輕透嘅效果之餘，亦都能夠保持皮膚自然亮澤嘅感覺。一開頭我會好怕霧面質地嘅妝容，會對乾淨皮膚有挑戰性，但呢隻粉底唔會有強烈嘅收乾感覺，用上面好舒服，只有輕輕嘅定妝效果，唔會過分繃緊。喺香港潮濕嘅天氣之下，乾肌只需要上薄薄一層碎粉，妝效就可以保持全日。我自己試過出街連續15小時，中間只印過一次面，喺咁潮濕嘅天氣下，妝容仍然能夠保持完整。除此之外，我好鍾意佢嘅cushion 好compact，帶出街都好方便。總括而言，我自己絕對有興趣回購呢款粉餅，係我第一款乾肌都用到嘅霧面cushion~