M.A.C

專業無瑕霧鏡氣墊粉底

首先講吓我嘅膚質先，我係混合偏乾T字位會出油兩邊面頰比較乾 平時化妝前會先搽精華之後搽防曬，然之後再搽底妝（粉底液或者淨係base） 平時比較少用氣墊粉底 所以今次試用Mac嘅氣墊粉底都好期待 首先講吓個包裝先 儀器墊粉底嚟講，佢個盒唔算太厚 加上盒入邊有一塊鏡 成盒拎出街補妝勁方便 個粉撲都幾好用 唔係某一種膠膠地會好黐住塊面嘅粉撲 所以用黎blend開啲遮瑕都好適合
呢個氣墊粉底係蒙面嘅質地 上妝之後塊面偏乾爽 天氣偏涼嘅日子，其實唔使定妝都可以keep住塊面乾爽 不過有時中午太陽會好熱好曬，所以我都習慣係t zone用少少碎粉 講吓使用感受先 呢個氣墊粉底冇奇怪嘅香味亦都唔會黏黏的 遮瑕效果唔錯 薄薄上一層已經可以均勻膚色 重點係佢可以慢慢堆疊遮瑕效果 假如面上面瑕疵比較多嘅人亦都可以查多幾層 就可以做到完美遮蓋嘅效果 不過我自己就鍾意透返少少瑕疵出嚟會比較自然 整體使用感受幾唔錯
喺呢兩個星期嘅試用入邊，我試用咗兩種唔同嘅配搭去試用呢一個氣墊粉底 1. 淨係用清爽型嘅toner 之後直接用氣墊粉底 2.搽精華同埋防曬之後再上氣墊粉底
下邊睇吓before after嘅效果啦～

1. 淨係用清爽型嘅toner 之後直接用氣墊粉底
Before:After:
可以見到其實薄薄咁上一層已經將膚色不均完全遮蓋 雀斑都遮到七成 有一種柔焦嘅效果 但缺點係佢修飾毛孔嘅功效一般般 可以見到其實毛孔冇完全遮住 感覺上臉頰亦都有少少乾 因為見到咁樣，所以我試咗下面第二種方法

2.搽精華同埋防曬之後再上氣墊粉底
我揀嘅精華同埋防曬都係偏保濕型 希望可以藉此令到底妝唔好咁乾 面頰嘅毛孔亦都可以有更好嘅修飾效果 下邊係before after
Before:After:


第二種上妝方法比較適合面頰偏乾嘅我 毛孔修飾得幾好 起碼好過第一種方法七成有多 完妝之後都仲有少少光澤冇第一種方法咁完全霧面 不過缺點就係遮瑕力減咗少少 冇第一種方法遮得咁完美

仲有下便係用咗第二種方法10個鐘頭後嘅after：
呢個效果係冇補過妝 塊面有少少出油 但係遮瑕度都依然喺度 可以話係越夜越美麗嘅氣墊粉底 我個人嚟講都係比較鍾意用完保濕精華液同埋防曬之後再用呢一個氣墊粉底（即係方法二）

整體嚟講 佢算係比較適合（混）油肌嘅氣墊粉底 如果係乾肌嘅姊妹 妝前就需要做好啲保濕 妝感會更加好 呢款氣墊粉底唔容易脫妝 其實唔補妝都冇乜問題 就算真係想補妝 拎佢出街亦都好方便補妝 試用完皮膚冇任何嘅敏感/暗瘡問題 有興趣嘅姊妹可以大膽嘗試