M.A.C

專業無瑕霧鏡氣墊粉底

遮瑕度：🌟🌟🌟🌟🌟
持久度：🌟🌟🌟🌟
防水防汗：🌟🌟🌟🌟
延展性：🌟🌟🌟
保濕度：🌟🌟🌟

總體黎講，係非常適合油性肌膚嘅Cushion。本人喺夏天嘅時候容易出油出汗，基本上每次化妝+定妝後，三個鐘已經開始泛油&脫妝。平時都有用過MAC嘅粉底液，都已經好鍾意，非常控油，平時鍾意霧面嘅妝感多啲。

今次呢個Cushion都冇令我失望。呢排爆瘡，比較多瑕疵（暗瘡印&未發嘅暗瘡），平時用其他Cuhsion就算額外用Concealer都唔好係遮得住啲暗瘡紅印。但係MAC呢個小黑盒，我冇用遮瑕嘅情況下，上兩層已經遮到大概9成嘅瑕疵。為左實測佢嘅遮瑕度，所以都冇額外用遮瑕。

返工平時留係冷氣地方，feel到出油出少左，就算係放lunch出街，有流汗，再往返冷氣地方，都唔會泛油得好嚴重。所以呢個Cushion嘅遮瑕度、持久度、甚至係防水防汗嘅效果都好好。

但係持妝8個鐘之後，因為有上散粉，都feel到暗瘡嘅位置會浮粉同埋開始乾，所以保濕度我有保留，可能係用左散粉嘅問題，暫時唔覺得保濕度驚艷到我，不過不失。