M.A.C

專業無瑕霧鏡氣墊粉底

首先講吓外殼是黑色漆面盒，比較容易沾上指紋及灰塵；粉撲設計有稜角，方便塗抹鼻翼、眉心等位置，厚度適中，而且粉撲不食粉底，更加控制到份量。


我是混合偏油性皮膚，T字位毛孔較粗大，膚色唔均勻暗啞，仲有少量暗瘡同痘印，尤其T位容易出油。

好開心可以試用到M.A.C 專業無瑕霧鏡氣墊粉底，色號是NC20，屬於健康亮白色。用少量按拍已經有很高延伸性，第一次就能遮蓋到大約八成皮膚，痘印同黑眼圈就未能完全遮到。之後疊加一層加強遮瑕，依然保持透薄，冇「面具感」。我幾滿意佢嘅霧面效果，令粗大毛孔明顯變細，個人習慣會喺T位再掃上蜜粉加強控油。

過咗六個鐘左右，有輕微氧化暗沉，整體妝感依然維持到七成，大致上痘印及黑眼圈依然遮蓋得住，控油效果出色顯著，T位只是輕微出油，簡單按壓吸油就可以。

總結：對於油性肌非常適合，控油效果持久度高，遮瑕度屬於中等，質地透薄不會令皮膚帶有侷促感，維持到整日乾爽不黏膩。