M.A.C

專業無瑕霧鏡氣墊粉底

好開心 cosme抽到我今次試用M•A•C呢個話題度超高既霧鏡小黑盒！

呢款氣墊粉底主打高遮瑕同時極透薄，底妝全日持久透氣，控油同時保濕，底妝零油乾爽，而且具有超高防曬系數SPF50/PA+++，防水、防汗、防潮，24小時持久不易脫妝、不暗沉變色。

本身成日喺Threads 見到人推薦M•A•C呢個霧鏡小黑盒，已經好想試，收到已經急不及待即刻試用。今次試用既色號是N18，都接近我本身的肌膚顏色。佢包裝係好型格嘅全黑色鏡面盒，入面係個形狀好特別嘅粉撲，一邊係圓嘅一邊係起角嘅，連細微位包括鼻翼都可以遮到。佢質地透薄，延展性高，好容易推開，基本上印少少都可以覆蓋全塊面，再上埋遮瑕都唔覺得厚重，乾爽不局促。

我係混合性偏油肌膚，鼻翼有泛紅，黑眼圈明顯，下巴位置都有啲暗瘡印瑕疵，將佢拍開發現遮瑕度真係好高，用佢上咗一層之後黑眼圈都遮到八九成，佢遮瑕到高得嚟帶有小小奶油肌既光澤感。我全日8個鐘帶妝都冇乜點甩同埋卡粉嘅情況，只要化妝之後出油唔嚴重既話都Keep到全日。

小貼士：第一次使用我用傳統氣墊粉撲拍打方式上妝，結果很厚重粉感，後來發現改用多次少量沾取並以輕柔拖抹的手法上妝，粉感頓時大減亦變得非常透薄貼服，妝感變得貼服自然，呈現啞光磨皮柔霧質感。