LA ROCHE-POSAY

Mela B3 透光淡斑精華

本身眼周有荷爾蒙斑，早幾年已開始做Picoway，依2年間中做。對淡斑產品感興趣係因為今年皮膚浮現不均色素，咁岩報名抽中@cosme產用，感謝！

試用期：5月18日-21日（敏感紅腫灼熱要中斷）
用前皮膚狀態：用前皮膚穩定，唔乾
質地：上面流動性剛好，慢慢流落去，易推開
成分：用前例牌睇睇成分，有香料一點令我驚驚地，因為皮膚易敏感，早牌用大牌子有香料既面膜出過事（敏感紅腫左一星期），不過香料排最後，姑且一試。
香味：香味對平日唔用含香料護膚品既我而言其實唔淡，用到第二日我覺得浸味更突出，有D難接受。


效果：第一日搽防曬後感覺唔笠，睇上去油份適中，因為全日幾乎在室內，面頰到晚上少紅。第二日半日在戶外，半日在室內要戴口罩，面頰到夜晚紅左同少少痛，但面部膚色睇落均勻左，色斑就暫時未見淡（或者色斑太底層）。


第三日面頰早上開始有d腫痛，忍唔到半個鐘惟有洗面，之後一日半唔敢用，依一日半無搽任何野，塊面依然灼熱、痕、少痛，但面上又唔太紅，只係我一日洗左4次面去舒緩灼熱既感覺，第二日本身約左Picoway都因敏感做唔到，只做了清潔同保濕，以為幫助皮膚，但到依刻唔知邊個環節出事，或者我每一步都出事。皮膚到今日（5月26日）寫用後感時起屑（似敏感後結焦），摸上去似一塊死皮撻在上，有點繃緊，但無紅、熱、痕，只敢搽lotion。

以個人面部皮膚易敏感而言，我唔會再選擇有香料既護膚產品。