LA ROCHE-POSAY

Mela B3 透光淡斑精華

La Roche-Posay B3 精華真係色斑救星~用咗半個月：毛孔靜咗、膚色亮咗、印淡咗！

講真，當初買呢支La Roche-Posay B3 精華係貪佢B3 + 專利抑制黑色素成分呢個組合夠穩陣。我本身混合肌，T字位油到反光，兩頰敏感易紅，下巴仲有啲陰魂不散嘅暗粒同痘印⋯⋯結果用咗兩星期，竟然有驚喜！

✅ 優點：淡印亮膚 + 收毛孔 + 保濕
1️⃣ 啲印真係淡得快咗！
以前啲紅印冇兩三個月都唔肯走，而家早晚用，新紅印 1 星期淡七成，舊啡印都慢慢變淺，好似塊面乾淨返咗！
2️⃣ 暗粒同毛孔靜咗好多！
B3（菸鹼醯胺）果然係抗炎能手！T字位出油少咗，毛孔冇以前咁張開，連下巴啲摸到但擠唔出嘅閉口都平伏咗～
3️⃣ 美白同時保濕！
質地係粉紅色凝露狀，推開好水感，吸收後皮膚係潤而不膩。修復皮膚屏障同時提升皮膚自身保水力。

⚠️ 注意位：初用可能有啲拮？
頭兩日搽上臉有微微刺癢（尤其爆痘位），不過唔會紅腫。櫃姐話係B3起緊作用，叫我減量（隔日用）。果然第3日就冇事～敏感肌建議先試局部！

💰 性價比：貴得有道理？
$500+ 一支（30 ml）唔算平，但成分乾淨（冇酒精/防腐劑）、溫和有效，油痘肌／敏感肌真係好難遇到啱用嘅精華。同街牌比，佢淡斑提亮功效明顯高一班，我覺得值回票價！

總結：回購？會！尤其夏季同爆痘期！
👉 適合：油肌／混合肌想控油收毛孔、痘肌淡印、改善頑固色斑、淡化日曬斑
👉 避雷：塗抹手法很重要，最好用按壓方式搽上面。手法不正確很容易同後續護膚品打交。。。

一句講晒： 皮膚多事之秋時拎佢急救，暗粒同紅印真係聽話晒～ 而家我塊面睇落冇咁嬲，仲有啲透光感✨ 如果Budget夠，不妨試吓！