LA ROCHE-POSAY

Mela B3 透光淡斑精華

感謝@cosme揀中我試用La Roche-Posay截黑淡斑組合（包括Mela B3 透光淡斑精華 及 UVMUNE 400 全效廣譜輕盈隔離乳液 (抗斑配方)）！！

因為遺傳同細個無做足防曬問題，一直都有超多雀斑；同時我嘅體質係好容易留疤，生一粒暗瘡都要等幾個禮拜甚至個幾月個印先會淡

美白精華市面上有好多，但係有效果嘅就…好多時搽都係求個心安

我主要厚用呢隻精華係頑強暗瘡印上，對比起平時係肉眼可見地淡得快左！暗瘡印當然唔會馬上完全消失，但我都好滿意佢加快左皮膚好翻嘅過程

而且最近太陽超大，有時下午無時間補防曬，夜晚搽翻呢隻精華，整體來講都無曬黑/黃到

當然如果以淡斑為目標，兩個禮拜試用時間應該係唔會睇到效果，所以我亦都唔期望佢可以令斑消失

比較可惜嘅係佢嘅味道真係唔太討喜，係一隻廉價脫毛膏嘅味：（ 感覺上係化學原料味；當然亦都間接印證左佢無香精，但有時搽落面真係有啲臭

整體而言以美白/淡印來講，我覺得呢隻精華係有效果嘅，用完呢支我都會想回購！

再次感謝@cosme給予使用機會！