LA ROCHE-POSAY

Mela B3 透光淡斑精華

好開心有機會試用La Roche Posay Mela B3透光淡斑精華，感謝 cosme！

1️⃣試用日數：喺唔變動平時護膚程序（早C晚A）嘅前提下用咗足兩個多禮拜，並配合La Roche Posay UVMUNE 400全效廣譜隔離乳液一齊使用。

2️⃣產品質感：精華呈現淡粉紅色，並散發一種獨特嘅味道，唔係一般花香味（講唔出咩味，但唔難聞）。產品望落好似幾厚身，但其實係好易推開，塗抹時非常好好吸收，一啲都唔笠。

💖 一開合精華用瓶蓋密封，開始用先自己換上滴管。呢一點感覺咁謹慎衛生！另外，裡面更含有自己本身用開其他產品都有嘅Niacinamide（維生素B3）成份，呢個亦都係我好鍾意呢支精華嘅地方！

3️⃣用後感：產品主打功效包括截擊黑色素形成、淡化及縮細已形成黑斑、減少色斑數量、舒緩及強化肌膚屏障。我嘗試就呢點分享啦！

👉🏻 本人兩邊面頰蘋果肌位置有曬斑同幾粒大片啲嘅荷爾蒙班
👉🏻 平時一直用「早C晚A 」護膚程序

▫️截擊黑色素形成效果：🌟 🌟 🌟🌟🌟5/5
呢支精華另一個亮點係佢嘅Melasyl™專利成分，話可以喺黑色素形成前攔截，防止新色斑形成。喺呢兩個禮拜，本人有游過一次水，亦有一日特別喺戶外晒住行咗一個鐘，而目測並無明顯嘅新形成黑斑，塊面都無變黑，保持到亮白感。老公都話覺得我塊面好似有啲發光嘅感覺🥳

▫️淡斑效果：🌟 🌟 🌟🌟4/5
喺早C晚A流程中加入今次試用嘅精華，覺得斑有明顯淡色咗（主要係曬斑）。

不過雖然大片啲嘅荷爾蒙斑都好似無之前咁明顯，但我唔能夠話究竟係因為呢兩個禮拜突然用左精華，定係長期落嚟嘅早C晚A配合埋精華嘅結果（始終荷爾蒙斑係特別難搞，有皮膚科醫生甚至話其實一般護膚品係處理唔到，甚至可能要食藥先可以有改善）。

但整體用完精華後感覺非常好，面頰斑點係有明顯淡色咗！

▫️減少/縮小色斑效果：🌟 🌟 🌟 🌟🌟5/5
鼻樑之前有一撻斑，平時因為帶眼鏡，嗰托長期壓住佢，所以本身唔知道嗰撻黑色素其實屬於咩斑，但係除眼鏡好明顯。呢兩個禮拜用完精華最明顯係呢撻嘢明顯淺色咗同埋唔無咁大塊，所以我會話佢有縮小色素嘅功效！！（因為之前用其他護膚品，都無改善到呢個問題）

整體評價：🌟 🌟🌟🌟🌟5/5，效果幾明顯，而且一路用都覺得有種透白光澤，令皮膚即時素顏都望落狀態幾好咁。絕對會持續使用，亦會推介俾朋友！