LA ROCHE-POSAY

Mela B3 透光淡斑精華

多謝 @cosme 邀請試用 La Roche-Posay【截黑淡斑組合】——Mela B3 透光淡斑精華，配埋 ANTHELIOS UVMUNE 400 全效廣譜輕盈隔離乳液【抗斑配方】，我一齊用咗 14 日再分享體驗。

我本身係混合肌，T 位好易出油，揀護膚品最驚就係嗰啲搽落面又杰又焗嘅質地。呢支精華質地水潤流質，睇落雖然有少少厚身，但一上面即刻改觀——非常易推，拍兩拍就吸收晒，完全唔笠、唔黐立立，連 T 位都冇話悶住。香味係淡淡輕輕嘅，唔會搶，用落好舒服。

最令我放心係佢真係好溫和。我塊面有荷爾蒙斑、暗瘡印，仲有成日暗黃、膚色唔均嘅老問題，以前試過有啲淡斑精華搽完會拿拿哋、微微刺痛，但呢支由頭到尾都零刺激、唔拿。而且日頭用完再上妝，完全唔會起擦膠碎，同後續底妝夾得好順，唔會打交——呢點對朝早趕住出門嘅我嚟講好實用。配埋同系列 UVMUNE 400 一齊用，呢兩個禮拜就算出咗街曬過，塊面都好穩定，冇變黑，亦冇標新斑出嚟——對於一個一曬就驚起斑嘅人嚟講夠「守得住」。

老實講，淡斑效果暫時未見得到。14 日對於要褪走已經形成、尤其係底層嘅荷爾蒙斑，的確係短咗啲，我塊面嗰幾點斑同暗瘡印未見明顯淡出。不過我明白呢類專利成分（Melasyl™ 喺黑色素形成前攔截 ＋ 10% 著名淡斑舒緩成分 NIACINAMIDE (維他命B3)對付舊斑）本身就係要長時間先睇到真章，急唔嚟。
用完呢 14 日，我對佢嘅方向係有信心嘅——質地啱混合肌、夠溫和唔敏感、上妝又唔起碎，又守得住唔黑唔標新斑，呢啲都係打好個底嘅重要一步。我會 keep 住早晚用落去，睇吓再過個多月，啲舊斑會唔會真係淡出嚟。淡斑係場持久戰，我願意俾多啲時間佢。

非常流質易推：20秒已吸收晒：