LA ROCHE-POSAY

Mela B3 透光淡斑精華

多謝cosme 抽中我試用呢支 Mela B3 透光淡斑精華。本身都知道呢隻牌子好適合敏感肌。今次仲凝聚咗品牌 18 年嘅科研結晶。
我本身皮膚比較敏感，平日好怕用含有美白成分嘅精華，因為好容易會引起泛紅、甚至有刺痛感。不過用咗呢支 14 日，暫時無出現任何過敏、痕癢或者不適，感覺上係幾溫和嘅，起碼敏感肌用都無負擔。質地方面，佢係淡粉橘色嘅蜜狀，上臉幾容易推開，而且吸收速度算快，唔會好似有層油膜黏住塊臉咁。以日常保濕度嚟講，佢表現啱啱好，後續直接擦面霜亦無出現起擦膠碎嘅情況。

至於大家最關心嘅美白淡斑效果，用咗短短兩個星期，原本新既曬斑會有少少變淺但唔算太明顯的，就我個人觀察，目前深色斑點未有太大改變。可能要再用多一排去觀察。

不過，我覺得最近面部嘅整體膚色好似無之前咁暗沉，蠟黃感減退咗少少，望落有少少亮澤度；另外，前陣子擠完暗瘡新留落嚟嘅暗色紅印，確實比平時退得快咗少少。以兩星期嘅短時間嚟講，佢安全、唔刺激，而且對改善暗沉有一點幫助，我會繼續用埋剩低嘅分量，睇下遲啲對曬斑有無進一步嘅淡化效果。
我都會推薦買同回購👍🏼