Dettol 滴露

ProFresh清爽保濕沐浴露(紫羅蘭及洋甘菊)

多謝@cosme 同滴露抽中試用 ProFresh 清爽保濕沐浴露（紫羅蘭及洋甘菊味)。
首先，我想講佢既包裝插圖好靚！我一收到即刻想開嚟用😆 呢隻紫羅蘭及洋甘菊味，好似以前支hand cream既Iris味，再加一點木味，有種喺大自然森林既感覺，用完即刻有放鬆舒壓嘅效果。試用咗十日，整體感覺好好👍🏻

ProFresh 清爽保濕沐浴露（紫羅蘭及洋甘菊) 同其他滴露沐浴露一樣，清潔力夠強，可以有效去除汗味同油脂，但同時保濕力強，清爽之餘皮膚仍然有水潤感，沖完唔會乾爭爭。用後冇敏感、冇痕癢，皮膚狀況穩定。我平時都鍾意用滴露沐浴露，因為佢可以去汗味，我仲會拎佢嚟洗手巾仔🤭用後手巾上嘅花香會比較持久，而身上嘅香味大概可以維持一晚。

成分方面：產品標榜用天然優質精油調製，加入 Activ-Botany™ 植萃保濕精華，聲稱有助鎖緊水分同維護天然皮膚屏障；配方 pH 平衡、無刺激性化學殘留物^，亦無添加矽或 Parabens 防腐劑，同時保留滴露嘅防菌保護。

總結：香味討好、清潔力與保濕力兼備、用後皮膚唔乾燥，適合想要清爽又有保濕效果 （特別係鍾意花香）既用家。