Dettol 滴露

ProFresh清爽保濕沐浴露(紫羅蘭及洋甘菊)

今次試用咗滴露ProFresh清爽保濕沐浴露系列，收到2隻味，一隻係茉莉花及柚子，另一隻係紫蘿蘭及洋甘菊。有照要求連續用2個禮拜（每隻試用一隻味），以下分享一下我嘅用後感

首先講吓第一個禮拜用嘅茉莉花及柚子味，呢款嘅香味好清新，呢隻味應該幾啱夏天用，因為本身唔太鍾意味道好濃同好化學嘅味，但呢隻係可以接受。沖涼嗰陣覺得d泡泡都ok多，輕易就可以搓出細緻嘅泡泡，清潔力都唔錯，感覺都洗得乾淨。沖完水完之後，皮膚感覺滑嫩，又唔會乾，都ok

第二個禮拜用紫蘿蘭及洋甘菊味，相比之下，呢款有一種感覺舒服嘅香味，隻味唔假。呢款沐浴露同樣好起泡，乾淨之餘同時滋潤肌膚，每次用完後皮膚唔單止保持濕潤，唔知係咪因為洋甘菊本身有助於放鬆情心情，好似用完都瞓得好好，好啱做完一日嘢之後用。

但唯一缺點係喺運送過程中，瓶蓋的泵頭爆開咗（如圖），造成少少漏出嚟。希望下一次可以多加留意包裝，避免類似情況發生。

總結吓，呢兩款沐浴露都幾唔錯，能夠有效保濕同時帶嚟令人放鬆嘅感覺。本身呢個牌子都有用開，呢款沐浴露又多味揀，可以按個人喜好揀，都會推薦比朋友用