Dettol 滴露

ProFresh清爽保濕沐浴露(紫羅蘭及洋甘菊)

今次好榮幸俾@cosme抽中試用Profresh 清爽保濕沐浴露系列

今次獲分配嘅其中一款味道係紫羅蘭及洋甘菊味
原來呢支味道係萬寧獨家嘅味道,lucky me🤩

Dettol滴露一向俾人感覺好似係殺菌方面嘅產品
所以今次有機會試下其品牌其他系列嘅產品都幾令人期待。

今次試用嘅Profresh 清爽保濕沐浴露系列
原來係採用咗天然優質精油調製而成，
仲加埋Active-Botany植萃保濕精華
而且有pH 平衡配方，
亦無刺激性化學殘留物、無添加矽同paraben防腐劑
真係好適合日常使用。

其實用之前都唔係好想像得到紫羅蘭究竟會係咩味道
而今次呢支就係紫羅蘭及洋甘菊味

呢支沐浴露係透明嘅
味道方面，我就覺得麻麻地
因為本身有鼻敏感嘅我對味道都幾敏感
而我就覺得有少少濃，唔係太係我杯茶

加水之後，唔算太多泡

沖洗完唔覺得黏笠
亦唔會有繃緊同乾嘅感覺

而香味方面有少少殘留
啲味淡咗之後反而好聞咗😂

整體覺得基於品牌嘅信任同埋配方嘅安全
如果對味道唔敏感嘅人可以試下
味道敏感嘅可能用同系列嘅柚子及茉莉花味比較好。