Dettol 滴露

ProSkin深層滋潤親膚沐浴乳霜 - 白茶花與溫泉礦物清香

滴露呢支深層滋潤白茶花沐浴露，最鍾意就係佢嗰陣味。香味唔係好濃烈、好人工嗰種，而係一種好柔和清雅嘅花香，聞落好舒服，有種好放鬆嘅感覺。沖涼嗰陣，浴室充滿咗呢陣清淡嘅花香，真係好治癒。

膚感與滋潤度 ✨
返支嘢嘅質地係比較柔軟同幼滑，唔會好稀或者好「削」。雖然佢起泡能力唔算係超級豐富嗰種，但係啲泡沫都算細密。

洗完成身之後，皮膚唔會有繃緊或者好乾嘅感覺，摸落去係幾滑溜嘅。不過而家天氣開始凍，空氣好乾燥，對我呢種本身皮膚唔算好油嘅人來講，如果唔即刻搽返潤膚乳，淨係用佢，個滋潤度始終都係差咗少少，未夠話可以完全唔使搽lotion咁犀利。所以每次沖完涼，我都要乖乖地搽返身體 cream 先夠潤。