Dermacept

幹細胞緊緻化妝水 (第2代)

前排因為工作、練跑，長期唔夠休息，皮膚攰到有種暗啞，膚色沉到個人無理神氣
有日跑步影相📸仲見到，兩頰下垂，法令紋唔笑到深到老咗十倍咁，即刻驚一驚，細膽嘅我唔敢醫美，好彩有cosme 今次試用Dermacept嘅全新幹細胞緊緻煥顏精之餘，仲有幹細胞緊緻化妝水+乳液！本身皮膚難吸收，初時都好怕好係啲好杰撻撻嘅gel身化妝水，好彩佢滋潤得嚟，無論以化妝棉定手上，都好快吸收，又唔會黏lup 感。
夏天朝早用都唔lup ，之後用粉底都夾到，冇起擦膠碎
配搭埋精華使用，用咗一星期，好快明顯見到膚色提亮咗，搽完佢有種光澤感，都容易上妝啲。
三星期左右，面頰兩邊都冇咁鬆弛，有返啲彈性同緊緻返，唔少得嘅係法令紋冇咁深，個人望落冇咁蒼老🥰！Jawline 都出返啲～

好啦～以下相片係使用前後，希望冇嚇親大家🙈
使用前，右邊法令紋極深，就算呢張大合照唔
Cut出嚟像素唔高都明顯見到條紋🥺，兩頰嘅肉下垂，攪到左右兩邊冇咗用咗Jawline咁😮‍💨使用中，約使用10日後，搽完當刻，膚色提亮咗，有法令紋淺咗，兩邊Jawline出返少少。使用後，約3星期，神奇係連眼皮都冇咁浮腫，魚尾紋位冇咁下垂，個人望落精神啲，面頰肉緊緻返，担提升咗，所以好Jawline出返嚟，法令紋淺咗好多。
總結：抗衰老產品，佢唔算滋潤度會攪到爆粒粒嘅產品，尤其開冷氣瞓覺，皮膚一沖完涼好易乾，搽咗佢，就算未搽其他，皮膚唔會乾到緊。抗衰老產品嚟講唔算貴，踏入熟齡肌，呢個價錢抵用。