BOBBI BROWN

無重輕霧氣墊粉底 SPF 40 PA+++

呢排成日見到佢嘅廣告
估唔到我竟然中咗試用🥰
上一次中過佢嘅另一款粉底之後
對呢個牌子係好有好感
首先又係包裝講起
沿用一向簡約風設計，但今次外殼又加埋佢華麗嘅圖案
入面個芯同一般氣墊唔同
唔係用普通海綿，而係特別嘅網面
平時一印出嚟，一定會印多咗
要另外係蓋上面印幾下
但呢款網面，印一下吸取粉底係好平均
一上手已經見到佢嘅遮瑕力度
呢個牌子我特別鍾意佢有一啲特別偏白少少嘅色號
呢個色號又係完美地融合我膚色
粉底一層上面，均勻膚色，遮瑕有5-6成
嚴重位置再集中上一層，可以遮到7-8成
毛孔修飾非常好，同之前粉底一樣冇乜妝感
粉底可以堆疊，冇厚重感
油肌完妝之後2個鐘開始T字位、下巴輕微出油
8個鐘之後，出油量比較平時有減少，但紙巾印走之後妝容依然保持良好
只有鼻翼線甩咗少少
其他位置同剛上妝冇乜分別
如果趕時間出門口，呢款氣墊真係首選
減少上妝時間同遮瑕時間
咁熱天氣，都可以維持得好好
汗水都係冇影響嘅