BOBBI BROWN

無重輕霧氣墊粉底 SPF 40 PA+++

多謝抽中試用Bobbi brown cushion foundation，我係light色，色號都幾適合我膚色。

Cushion的設計幾高級有質感，用佢提供的粉撲2次足以覆蓋全臉，份量易控制，而且都幾方便。粉撲較大，針對啲細嘅部位，例如鼻翼位要就角度有少少唔方便。

上臉貼服唔浮粉，妝感自然，霧面但都仲有些許光澤感，而且唔覺得厚重，對皮膚冇負擔。我算係混合肌，T字位會出油但臉頰會好乾，所以底妝最著重係貼服度同埋會唔會浮粉，呢款cushion我覺得算幾好，基本上唔會起擦膠碎，佢遮暇度ok，只係未遮到好深的黑眼圈，遮蓋到鼻頭的黑頭同毛孔。

上妝6小時在室內後都冇咩暗沉或脫妝，塊臉都唔會話好乾，亦都唔會出好多油。

我實測埋做運動大量出汗，發現都係會溶少少妝，額頭位留汗最多就甩得最勁，會有少少土石流，但其他位都還好，所以平時出街流汗個種就應該冇咩問題。整體來說都幾滿意，今個夏天應該都成日用。

上妝前上妝後即時效果（遮到7成黑眼圈）、毛孔、均勻膚色、粉刺

帶妝後8小時+做完運動大量出汗（有啲脫妝，但仍可接受，普通出街流少少汗應該冇咩問題）