BOBBI BROWN

無重輕霧氣墊粉底 SPF 40 PA+++

非常感謝 @cosme 俾我試用 Bobbi Brown 無重輕霧氣墊粉 – Extra Light。

我覺得呢款氣墊嘅妝感非常自然，帶有輕薄柔霧感，我個人係好鍾意呢種柔霧感，唔係個種睇落塊面油油地。氣墊用落係完全貼膚，唔會有假面感。遮瑕度都幾好，特別係遮毛孔效果，等我D皮膚睇落更細緻。

而家個天氣真係好熱好焗，我出咗去5小時，期間都有用紙巾印吓汗，原來持妝效果都真係幾好，起碼冇印甩啲粉底液，而且控油能力唔錯，柔霧感都保持得很好。

氣墊一按取粉嘅量剛剛好，都夠我拍一邊面 。總括嚟講，呢款氣墊粉值得推薦！加上氣墊真係好方便，隨時可以補妝，用起嚟非常快捷。