L'Occitane en Provence

草本療法頭皮舒緩健髮精華

超級多謝cosme嘅邀請，俾我可以第一次去loccitane體驗專業頭皮分析測試！

BA姐姐好細心，用部專業儀器檢查我嘅頭皮狀況，包括毛囊密度﹑頭皮敏感度﹑油脂分泌、頭皮屑。5分鐘就已經可以放大頭皮60倍！仲可以喺你面前部ipad show出黎，亦可以cap圖做before and after對比圖！(證明loccitane對自家品牌出嘅頭皮精華非常之有信心！）

我嘅頭皮分析係，頭皮都尚算健康，頭髮嘅數量都達標。不過，就要做好水油平衡！所以BA姐姐幫我揀選咗適合我用嘅L'Occitane en Provence 草本療法頭皮舒緩健髮精華。

佢成分天然，包括：蠟菊精華油,精胺酸, 維生素E同B5。可以舒緩頭皮痕癢不適，舒緩滋潤頭皮，令頭皮健康d! 仲可以提升髮絲光澤度同強韌度！

我而家好有恆心，每晚洗頭嘅時候都配合loccitane嘅頭皮按摩器，除咗可以按摩頭皮，好舒服之外，仲可以促進血液循環。又可以將平時打結嘅頭髮整理好，油脂聚集嘅地方都可以靠佢疏導到！

而每晚洗完頭之後，抹乾咗個頭，喺頭髮仲濕嘅情況底下會用兩泵草本療法頭皮舒緩健髮精華，搽喺頭皮按摩一陣，先至會用風筒吹頭！佢質地清爽唔黏膩，最重要係有少少涼涼哋嘅感覺，有草本香味，夏天唔使再驚會有頭油味好尷尬！

持續用咗一個月之後，感覺頭皮健康左，即使而家夏天咁潮濕咁熱，頭皮都冇以前咁油笠笠同埋痕！髮絲亦都強韌左，甩少咗頭髮，影相仲有光澤感！

好期待第二次返去舖頭再做多次頭髮分析測試！讓數據說話！

PS. 除咗loccitane嘅BA姐姐好專業之外，亦好多謝cosme嘅職員好細心安排今次嘅體驗！實在賓至如歸，好感謝！