L'Occitane en Provence

草本療法頭皮舒緩健髮精華

我本身係L'occitane 既fans，好多產品都用過同埋覺得好用，但就咁啱無試過頭皮精華（平時無得試用，唔想貿貿然購買）。好開心今次揀咗我有機會體驗頭皮分析同試用草本療法頭皮舒緩健髮精華

店內頭皮分析體驗：
門市裝修佈置舒服，店員友善而且清楚產品，提供專業服務，唔會令你周身唔自在
頭皮分析就四方面分析：濃密度、毛鱗片狀態、脫髮、敏感，我一向用緊L既產品，少染燙，頭皮同頭皮狀況都好健康。經歷緊產後脫髮，髮量比較少，店員推薦咗草本療法頭皮舒緩健髮精華。
職員細心講解產品使用方法同埋日常護理要點，亦解答埋我其他產品既疑問。即使唔係活動，L店職員一向服務都好好，早前我大肚都會即刻俾位我坐同休息，可以坐住完成購物流程

產品包裝設計：
玻璃樽，份量一目了然。滴管設計，每泵可用半個頭，之後直接點上頭，非常方便。

產品質地：
產品混合精華同油，質地好水，好易推開及吸收。係頭髮唔滴水狀態，均勻點上頭皮後用指腹按摩5分鐘，就可以好似平時咁吹乾個頭，一啲都唔覺笠。
香氣宜人，我吹頭時，家人都問我個頭搽咗乜，用佢絕對係享受（我用過一款係臭既）

用後感：
由於我頭皮頭髮問題唔大，毛囊頭髮有冇多返應該要再去門市度測驗下先最準確，只可以講下表層感覺。
首先用佢既感受係相當良好，購買時既服務、容易使用程度、產品香味及質地都令我好滿意。頭髮比之前少出油咗，無敏感情況出現，頭髮好似甩少咗（吹頭果時掉得少咗）。我係下月做完頭皮分析時，有時間再更新下髮量情況