L'Occitane en Provence

蠟菊煥活雙效精華 [新升級配方]

一支好嘅精華絕對可以幫到手，穩定到肌膚狀況。Loccitane呢款夜用精華，質地係啫喱狀，同時會見到蠟菊精華油嘅微粒。使用前將精華油微粒推散混和，然後搽上面就可以。雖然帶有油份，但搽上面一啲都唔覺得黏笠，仲聞到淡淡嘅花香，感覺好放鬆。

夏天雖然冇秋冬咁乾燥，但長期處於冷氣房，難免令皮膚出現缺水情況；走出炎熱嘅室外，又令皮膚好易出油。呢款精華明顯改善皮膚嘅水潤度，平衡肌膚嘅水油狀況，令皮膚冇咁易出現泛紅，使用之後，皮膚彈性同細緻度都得到改善。遇到皮膚狀態唔穩定嘅時候，可以考慮入手呢款精華。