NIVEA

DERMA CARE科研 舒敏修護雙管精萃凝乳

今次試用Nivea Derma Care妮維雅科研嘅奇肌雙管精萃凝乳，佢係一支雙管，外管係修護精華液、有助強化肌膚屏障同保濕；內管係舒敏精華液，含有醫美級抗敏成份。

我係第一次用呢類雙管產品，覺得都幾特別，可以同時用兩種唔同功效嘅精華液，都幾方便。雖然包裝有寫到中間係最佳按壓位置、達致雙管1:1比例，但其實我唔係次次都平均一次過撳到晒兩隻液出嚟用🤣

呢款凝乳亦係敏感肌適用，有B5極修護成分、無添加色素、礦物油、PARABEN類防腐劑。我作為一個皮膚乾嘅人，有時都會痕癢，而呢支雙管精萃凝乳正正主打迅速舒緩乾癢、修護肌膚屏障同鎖水穩膚、7天修護乾燥敏感泛紅。
多謝 @cosme 提供試用，等我有皮膚敏感或者泛紅嘅時候都唔驚冇嘢搽。呢款凝乳係有透明同白色兩種、質地輕透勁易推，同舒敏修復低敏乳液一樣都係唔黏膩。 而呢款嘅香味就唔係藥草嗰種香味，而係淡淡清新舒服嘅香味。