NIVEA

DERMA CARE科研 舒敏修護雙管精萃凝乳

多謝@cosme 挑選我參與 【NIVEA 全方位「舒緩＋修護」肌膚保養方案】試用活動，
繼Part 1試用完全新 NIVEA 極潤修護低敏乳液（無香版）7日之後，接住我就要挑戰Part 2 NIVEA舒敏修護雙管精萃凝乳試用7日啦！

NIVEA 舒敏修護雙管精萃凝乳係軟管支裝，有兩層嘅成份，外層係修護精華液，內管係舒敏精華液，一唧就有齊兩重成份，就好似扭紋雪糕咁！包裝背面仲有個手指模位話你知，最適合按壓使用嘅位置，細心又可愛！質地方面，外層嘅修護精華液呈透明啫喱狀，而包晌核心嘅舒敏精華液就呈白色乳液狀，兩者一混合就產生非常清爽嘅水感，即使夏天使用都好舒服，但同時發揮到滋潤保濕嘅效果。

最近皮膚狀態不穩，用左NIVEA 舒敏修護雙管精萃凝乳，有水份充足嘅感覺，皮膚有光澤感，但又唔會黏笠！即使皮膚有啲敏感，都用得好放心。

⬆️使用前 ⬇️使用後同Part 1 NIVEA 極潤修護低敏乳液（無香版）比較的話，Part 1嘅質地比較杰身，適合秋冬或長期冷氣房，而Part 2 NIVEA 舒敏修護雙管精萃凝乳就夏天都好岩用，但有趣嘅係，根據@cosme 嘅資料，如果皮膚有狀態／痕癢時，會更建議用Part 2 嘅舒敏修護雙管精萃凝乳。佢含有角鯊烷，可以強化屏障、防止水分流失；糖基甘油就平衡水分、改善屏障功能，而專利Symsitive成份就從源頭迅速鎮靜乾癢與不適。就成份而言，呢支係更能夠修護乾燥敏感泛紅或者痕癢！

質地爽啲，效果又全面，實在係全能！我非常推薦！

再次多謝 @cosme 俾我試用咁好嘅產品🥰